آخرین مطالب
امکانات وب
اگر بیر قوش اولارسام من خزانسیز لاله زاریم سان
منه مریم منه عیسی منه تورات منه قرآن
سنین عشقین ده صنعانم منیم نازلی خوماریم سان
دیلیم آغزیم سوزوم سنسن گولوم قلبیم گوزوم سنسن
منیم جانیم ئوزوم سنسن منیم صبروقراریم سان
منیم دردیم منیم چاره م هلال ابرولی مه پارم
كدر سنسن سؤینج سندن نشاطیم سان غباریم سان
اورك هرنه دیله ر سنسن یگانه بیر دیلك سنسن
جوابیم سان سؤالیم سان مقدس بیر شعاریم سان
گوجوم آرخام یاخین دوستوم یاخیندان دا یاخین دوستوم
پولاد عزمیم اراده م سن توكنمز اقتداریم سانمنه
بیر می دولی جام سان ایلاهی عالی الهام سان
ائلیم طایفام یئریم یوردوم شیرین دوغما دیاریم سان
محبت سن صداقت سن ملاحت سن سعادت سن
خزینه م ثروتیم واریم منیم سن هرنه واریم سان
دوشونجه م آرزیم امیدیم خیالیم ان بویوك فیكریم
منیم سرریم منیم گیزلین نهانیم آشكاریم سان
منیم گوندوز گونوم سنسن گئجه آییم سمالاردا
جلالیم شهرتیم شانیم حیاتیم افتخاریم سان
منه شیرین منه لیلی منیم زهره م زلیخام سان
منیم اصلیم منیم فخریم غروروم سان وقاریم سان
منیم نغمه م منیم سازیم سازیمدا ان لطیف تئل سن
منه ان دادلی بیر مجلس او مجلسده نگاریم سان
یئریم زندان اوزوم محبوس منی بیر یوخلیان سنسن
گئجه طوفانلی دریا ده ایشقلی بیر كناریم سان
نه اولسون غم قوشون چكمیش دوتوب اطرافیمی دشمن
باشی داغلار قده ر یوكسك اوچولماز بیر حصاریم سان
قاشین طاقی منه معبد او رعنا قامتین مقصد
قیامتله قیام ائتسه منیم پروردگاریم سان
حیاتدا هرنه ایسترسم سؤینجی انتظاریم سان
سنی قلبیم له من سئودیم اونی چیرپیند ران سنسن
دئمئك كی وارلیغیم سنسن اورك ده شاه داماریم سان
عزیزیم! بیردانام! اینجیم! ظریفیم! اینجه دلداریم!
بو یوز بیر سؤزله بیر سؤز وار كی یعنی شهریاریم سان
یک مشت حرف مفت برای نرگس...برچسب : نویسنده : iyakamuzlie بازدید : 320